Euskal Pilota Antzuolak irabazi du nesken eskuz binakako Gipuzkoako Eskolarteko Txapelketa

Asteartea, 2019.eko Otsailak 5

Alebin zein infantil kategorietan nagusitu ziren antzuolarrak, Zaldibian; aurretik sailkatze partidak jokatu zituzten parte-hartzaile guztiek

Festa polita ospatu zen, larunbatean, Zaldibian. Gipuzkoako Eskolarteko Txapelketako eskuz binakako nesken finalak izan ziren ikusgai, alebin eta infantil kategorietakoak. Eta baita txapelketa horiek osorik ere; izan ere, sailkatze partidak jokatu zituzten finalen aurretik parte-hartzaile guztiek. Hemen kontsulta daitezke norgehiagoka horien xehetasunak.

Antzuolak irabazi ditu aurten bi finalak, nagusi izan baitzen bai alebinetan bai infantiletan. Ondoren zehazten ditugu final horiek:

Otsailak 2, larunbata, Zaldibia
1. Eskuz binaka, alebinak:
ANTZUOLA (Insausti-Garaikoetxea) 12 / ZALDIBIA (Lopez-Azurmendi) 6
2. Eskuz binaka, infantilak:
ANTZUOLA (Galeano N.-Galeano L.) 12 / DONOSTIA (Carmona-Arraiza) 3



7 bikote lehiatu dira alebinetan: Andoain, Antzuola, Donostia, Legorreta, Ordizia 1, Ordizia 2 eta Zaldibia. Eta 3 infantiletan: Antzuola, Bergara eta Donostia.