Kirolak.net

 

Hemen zaude::

  1. Hasiera
  2. Berriak
  3. Berrien xehetasunak

Euskal Pilota Emakumea Pilotari Txartela, eskuragarri

Osteguna, 2018.eko Azaroak 8

Gipuzkoako Euskal Pilota Federazioak federatu mailan lehiatu ez arren euskal pilotan aritzen diren emakumeei zuzendutako txartel berri bat da; istripu eta erantzukizun zibileko aseguruak eskaintzen ditu, eta baita Emakumea Pilotari egitasmoko hainbat ekintzetan doako izen-ematea ere; dagoeneko egin daiteke eskaria, federazioan

Federatu mailan lehiatu ez arren euskal pilotan aritzen diren emakumeek eskaintza berri bat izango dute ikasturte honetan Gipuzkoan. Gipuzkoako Euskal Pilota Federazioak sustatutako (GEPF) Emakumea Pilotari Txartela, hain zuzen ere.

Euskal pilota praktikatzen ari direnerako istripu asegurua eskaintzen du Emakumea Pilotari Txartelak, eta baita erantzukizun zibileko asegurua ere. Gainera, GEPFk antolatzen dituen Emakumea Pilotari egitasmoko hainbat ekintzetan doako izen-ematea ahalbidetzen du, hala nola, Emakumea Pilotari Txapelketa Azkarra (abenduan), Emakumea Pilotari Eguna (maiatzean) eta ikastaro puntualak.

50 euro balio du txartelak, eta ikasturte baterako da baliagarria (urtero berritzeko aukerarekin). Aurtengoak, 2018ko urriaren 1etik 2019ko irailaren 30era bitarteko iraupena dauka.

Dagoeneko badago txartela eskatzeko aukera. Interesa duenak Gipuzkoako Euskal Pilota Federazioarekin harremanetan jarri besterik ez du; mezu bat bidali behar du etxebe.pilota@kirolak.net helbidera, honako datuak garbi adieraziz: izena, bi abizenak, jaiotze data, nortasun agiriaren zenbakia eta helbide elektronikoa.

Ordainketarako bi aukera daude. Alde batetik, federazioaren kontuan ordainketa egin eta ordainagiria etxebe.pilota@kirolak.net helbidera helarazi: ES12- 0138 0001 1300 1067 4433 (BANKOA). Edo, bestetik, federazioari datuekin bidalitako eskaera mezuan norberaren kontu korrontearen zenbakia ere eman, eta federazioak kargua egin.


Edozein zalantza argitzeko ere etxebe.pilota@kirolak.net helbidera idatzi edo 943 47 14 63 telefono zenbakira dei daiteke. Animatu eta baliatu aukeraz!

Estatuko ligak

Gipuzkoako taldeak !!
 Nazioarteko eta Estatu Mailako Lehiaketak

  • Saskibaloia
    2018/11/18

    añares rioja isb

    segle xxi

  • Futbola
    2018/11/18

    rayo vallecano sad

    real sociedad de f. s.a.d.

  • Saskibaloia
    2018/11/18

    juaristi isb 71

    marin ence peixe galego 66

  • Saskibaloia
    2018/11/18

    salto bera bera

    garmat aviles

  • Futbola
    2018/11/18

    gernika club s.d.

    real sociedad de f. s.a.d. "b"

  • Saskibaloia
    2018/11/18

    real madrid

    delteco gbc

  • Eskubaloia
    2018/11/18

    elche c.f. - mustang 25

    super amara bera bera 24

  • Futbola
    2018/11/18

    real union club

    barakaldo c.f.

Emaitza gehiago

Lotura interesgarriak

Argazki galeria

Argazki galeria
AFEDEGIren logotipoa